Hierdie webblaaie word deur Pieter Conradie vanaf Bellville instand gehou.
Na my vader se oorlye in 1996 het ek begin vra waar ek vandaan kom.
Te laat!
Op daardie stadium het die bestaan van die Conradie geslagsregister, wat deur oorlede "Oom Hennie" Conradie opgestel is, onder my aandag gekom. Sy laaste geslagsregister is nog op 'n tikmasjien getik en was byna 30 jaar oud. Tyd vir 'n nuwe uitgawe! Ek het die betrokker register op die rekenaar ingeskandeer, en in 1999 op die Internet beskikbaar gestel vir almal om te gebruik en verder te verbeter.
Rondom die jaar 2000 het ek baie Conradies per slakpos genader met vorms om opdatum inligting te kry. Met die hulp van dié terugvoer en baie ander mense wat sedert daardie tyd inligting verskaf het, is die oorspronklike geslagsregister aansienlik uitgebrei en ook verbeter, aangesien die rekenaar dit baie makliker maak as die dae toe ons geëerde voorgangers nog van tikmasjiene moes gebruik maak!
U is steeds welkom om my te kontak met aanvullings en verbeterings of enige ander navrae - gebruik die Kontak my / Terugvoer opsie in die sypaneel om my te epos. Baie dankie!
